ارجنٹائن سے جیت کی خوشی، سعودی ولی عہد سجدہ ریز ہو گئے

سعودی ولی عہد شہزادہ محمد سلمان ارجنٹائن کے خلاف فٹ بال میچ جتنے پر خوشی سے اللہ کے حضور سجدہ ریز ہو گئے۔ سوشل میڈیا پر وائرل تصاویر میں دیکھا جا سکتا ہے کہ سعودی ولی عہد شہزادہ محمد سلمان نے ارجنٹائن کے ساتھ فٹ بال میچ کو اہل خانہ کے ہمراہ دیکھا۔ محمد بن سلمان نے فٹ بال ٹیم سمیت پوری قوم کو مبارکباد پیش کی ہے۔ دوسری جانب سعودی خبرایجنسی کے مطابق کل سعودی عرب میں جیت کی خوشی میں سرکاری،نجی اور تعلیمی ادارے بند رہیں گے۔ واضح رہے کہ فیفا فٹ بال ورلڈ کپ میں آج سعودی عرب نے ارجنٹائن کو دو ایک سے اپ سیٹ شکست دی ہے۔