انتخابات مشکلات کا حل نہیں، فی الحال ہوتے نہیں دیکھ رہا، کیپٹن صفدر

مسلم لیگ (ن) کے سینئر رہنما کیپٹن (ر) محمد صفدر نے کہا ہے کہ انتخابات ہماری ملکی مشکلات کا حل نہیں، فی الحال الیکشن ہوتے نہیں دیکھ رہا۔ کیپٹن (ر) محمد صفد نے پشاور کے نشتر ہال میں مرحوم قانون دان عبدالطیف آفریدی کے تعزیتی ریفرنس سے خطاب کے بعد میڈیا سے گفتگو کی۔انہوں نے کہا کہ 2013 میں بھی یہی حالات تھے مگر پاکستان اپنے پیروں پر کھڑا ہوگیا، اب بھی شہباز شریف اور پی ڈی ایم نے ملک کوسنبھال لیا ہے۔ کیپٹن (ر) محمد صفدر نے مزید کہا کہ پاناما میں نواز شریف کو سزا دینے والوں سے پوچھا جائے۔ ان کا کہنا تھا کہ نواز شریف ضرور آئیں گے، بابا گھر آئیں گے تو گھر چلے گا۔ ن لیگی رہنما نے یہ بھی کہا کہ انتخابات ہوتے نہیں دیکھ رہا، انتخابات ملکی مشکلات کا حل نہیں۔