خیبرپختونخوا، گلگت بلتستان، مری اور آزاد کشمیر میں بارش کی پیشگوئی

محکمہ موسمیات نے ملک کے مختلف علاقوں میں بارش اور برفباری کی پیشگوئی کی ہے۔ خیبر پختونخوا کے بالائی حصوں میں چند مقامات پر بارش متوقع ہے جبکہ محکمہ موسمیات کی جانب سے گلگت بلتستان اور آزاد کشمیر میں بھی چند مقامات پر با رش کا امکان ظاہر کیا گیا ہے۔ گلگت بلتستان اور آزاد کشمیر میں پہاڑوں پر برفباری بھی متوقع ہے، مری، گلیات اور گردونواح میں ہلکی بارش متوقع ہے۔ محکمہ موسمیات نے دیر، چترال، کوہستان، سوات، مالاکنڈ اور مانسہرہ میں بارش کا امکان ظاہر کیا ہے جبکہ ایبٹ آباد، ہری پور اور کرم میں بارش اور پہا ڑ وں پر برفبا ری کی پیشگوئی کی گئی ہے۔ محکمہ موسمیات نے منگلا، سیالکوٹ، نارووال، گوجرانوالہ، لا ہور، اوکاڑہ، سا ہیوال، سر گو دھا، جو ہر آباد،بہا ولپور، ڈیرہ غا زی خان اور گر دو نواح میں دھند رہنے کا امکان ظاہر کیا ہے۔ اسلام آباد میں مطلع جزوی ابر آلود رہنے کی پیشگوئی ہے جبکہ ملک کے بیشتر علا قوں میں مو سم خشک رہنے کا امکان ظاہر کیا گیا ہے۔