نیوزی لینڈ کیخلاف پاکستان ٹیسٹ اسکواڈ کا اعلان آج متوقع

نیوزی لینڈ کے خلاف ٹیسٹ سیریز کے لیے پاکستان کرکٹ ٹیم کے اسکواڈ کا اعلان آج کیے جانے کا امکان ہے۔ ذرائع کے مطابق پاکستانی اسکواڈ کو حتمی شکل دینے کے لیے مشاورتی عمل جاری ہے جس میں کھلاڑیوں کا ردو بدل متوقع ہے۔ ذرائع کا کہنا ہے کہ فاسٹ بولرز کی فٹنس رپورٹس کا جائزہ لینے کے بعد اسکواڈ کا اعلان کیا جائے گا۔ رپورٹس کے مطابق نیوزی لینڈ کی ٹیسٹ کرکٹ ٹیم کا اسکواڈ کل صبح کراچی پہنچے گا۔ پاکستان اور نیوزی لینڈ کے درمیان 2 ٹیسٹ اور 3 ون ڈے انٹرنیشنل میچز کھیلے جائیں گے۔ واضح رہے کہ پاکستان اور نیوزی لینڈ کے درمیان پہلا ٹیسٹ 26 دسمبر سے شروع ہوگا۔